Gríðarlega mikilvægt

Það er gríðarlega mikilvægt að Sjálfstæðismenn mæti á kjörstað og kjósi til að flokkurinn komi út úr þessum kosningum sem sterkastur Og það er í raun og veru EKKI valmöguleiki að sitja heima eða skila auðu.

Ég minni alla Sjálfstæðismenn á að vg&sf hafa hótað okkur því að sitja sem fastast eftir kosningar. Hvað megum við svo eiga vona á, jú væntanlega meiri pólitískum hreinsunum, skattahækkunum, meiri ríkisafskiptum,  Og þó svo að þeir séu ósammála í öllum grundvallarmálum skiptir það þá engu máli - stjórnin hefur nú þegar sprungið í Helguvíkurmálinu - það verða fleiri -


Sjálfstæðismenn mætum á kjörstað x-d

Margir ætla að skila auðu

Athugasemdir

[Gullvagninn (IP-tala skráð) 22.4.2009 kl. 07:56]

hvaða demón er þetta í myndinni þinni?  Draugur hrunsins?

[Einar Ben, 22.4.2009 kl. 08:22]

Það er hollt í öllu samstarfi að skoða hluti frá öllum sjónarhornum, ekki bara standa og sitja eins og hinn aðilinn segir, það er hollt báðum að vera ekki alltaf sammála, þannig fæst opin og raunveruleg umræða um það sem skiptir máli og þal. fæst yfirleitt niðurstaða sem er öllum þóknanleg ekki bara öðrum.

Samkvæmt skýrslu OECD hækkuðu skattar mest á Íslandi á árunum 1995-2007 af löndum OECD, það er þegar D og B voru í stjórn....

.....þannig að allt tal um að D og B ætli ekki að hækka skatta er frekar ótrúverðugt...!

Allt frá hruninu hefur Samfylkingin unnið að því að byggja Velferðarbrú fyrir heimilin svo þau komist yfir þetta tímabil erfiðleika og takmarkaðir fjármunir renni til þeirra sem í raun þurfa á aðstoð að halda. Óábyrg loforð auka skuldavandann.  Í Velferðarbrúnni eru bæði almennar og sértækar aðgerðir.

Almennar aðgerðir:

• Vaxtabætur hækka um allt að 55%. Heildarhækkunin frá fjárlögum 2008 er
• þá samtals orðin rúmlega 66%.
• 10-20% lægri greiðslubyrði með greiðslujöfnun verðtryggðra lána
• 40-50% lægri greiðslubyrði með greiðslujöfnun gengistryggðra lána
• Möguleiki á að frysta allar afborganir í allt að 3 ár eða greiða aðeins vexti og verðbætur.
• Séreignarsparnað má fá greiddan út, allt að 1 milljón á mann og 2 á hjón.
• Dráttarvextir lækkaðir um 4%
• Óskertar barnabætur þrátt fyrir skattaskuld

Sértækar aðgerðir fyrir heimili í miklum skuldavanda:

• Greiðsluaðlögun þar sem skuldir eru afskrifaðar eða aðlagaðar greiðslugetu. Velferðarbrúin felur því í sér umtalsverðar afskriftir skulda heimilanna.
• Frestun nauðungaruppboða fram í október.
• Lengri aðfararfrestir, 40 dagar nú í stað 15.
• Aukinn stuðningur við fólk sem kemst í greiðsluþrot.
• Heimili ábyrgðarmanna varin og ábyrgð þeirra takmörkuð.

Nánar um innihald greiðsluaðlögunar



Greiðsluaðlögun fasteignaveðlána mætir þeim sem orðið hafa fyrir verulegu tekjufalli eða öðrum áföllum sem gera fólki ómögulegt að greiða af íbúðalánum. Þá er hægt að fá að greiða afborganir einungis í samræmi við greiðslugetu um nokkurra ára bil – hámark fimm ár – þar til hagur vonandi vænkast. Ef skuldsetning er verulega umfram verðmæti eignar við lok tímabilsins er heimilt að vissum skilyrðum uppfylltum að aflétta þeim veðum af eigninni sem umfram standa.



Greiðsluaðlögun felur í sér að skuldari sem ekki ræður við greiðslu skulda getur fengið umsjónarmann til að mæla fyrir um að kröfuhafar þurfi að sætta sig við að fá einungis greiddan þann hluta skulda sem skuldari getur staðið skil á. Ef skuldari stendur við sitt á greiðsluaðlögunartíma falla ógreiddar skuldir niður í lok tímans og skuldari er þá laus allra mála gagnvart kröfuhöfum. Þannig er bundinn endir á það fyrirkomulag að gjaldþrot elti skuldara út í hið óendanlega.



kv.