Hroki og fyrirlitning Samfylkingarinnar í Kópavogi

Það hefur í sjálfu sér ekki komið mörgum á óvart á 4 flokka bræðingurinn hafi fallið enda var stofnað til hans á ákveðnum forsendum sem eru ekki til þess falldar að duga mjög lengi.
Það var alveg ljóst frá byrjun hvaða hlutverk oddviti Samfylkingarinnar ætli sér, var stoppuð og seinni tilraun hennar leiddi til þess að meirihlutinn féll.
Framkona Samfylkingarinnar hér í Kópavogi í garð Sjálfstæðisflokksis hér í bæ er fyrir neðan allar hellur og ætla svo að reyna að hefja meirihlutviðræður á þeim grunni er hreint út sagt ótrúlegt og merki um hroka og fyrirlitningu.
Það er spurning hvaða tilgang það hefur fyrir Sjálfstðisflokkinn að ganga til viðræða við stjórnmálaflokk sem hefur þetta viðhorf gagnvart Sjálfstæðisflokknum.

Enn stjórnlaust í Kópavogsbæ

Athugasemdir

[Ingibjörg Guðrún Magnúsdóttir, 25.1.2012 kl. 08:29]

Já sæll Óðinn og 2 vikur liðnar síðan manneskjunni var sagt að hún væri óæskileg og formleg uppsögn ekki en komin.

Ég held að íbúar í Kópavogi ættu að segja þessari bæjarstjórn upp og kjósa sér nýja vegna þess að þessi staða er ekki líðanleg undir neinum kringumstæðum...

[Sigurður Þorsteinsson, 25.1.2012 kl. 14:42]

Ingibjörg ég ætla að vera þér sammála, æskilegast væri að kjósa aftur, en ég er ekki viss um að slíkt sé leyfilegt.

[Óðinn Þórisson, 25.1.2012 kl. 18:00]

Ingibjörg - það virðist vera langt þvi frá eining um að reka hana eins og GA vildi.
Það verður myndaður nýr meirihlut og það er erfitt miðað við það sem undan er gengið að það verði án Sjálfstæðisflokksins.
Sigurður - það er því miður ekki hægt að kjósa aftur - þetta fólk verður að finna leið til að mynda meirihluta.

[Sigurður M Grétarsson, 25.1.2012 kl. 21:43]

Óðinn. Það var full eining um það meðal allra sex bæjarfulltrúa meirihlutaflokkanna að láta Guðrúnu fara og því er það þvættingur að þar hafi verið um að ræða eitthvert einkaflipp bæjarfulltrúa Samfylkingarinnar eða Guðrúnar Arnardóttur. Þaðan af síður var hér um að ræða eitthverja aðgerð Guðrðiðar í að reyna að komast sjálf í bæjarstjórastólinn. Hafi slíkt verið markmið hennar þá átti hún mjög gott tækifæri til þess þegar peningaskápsmálið kom þar upp í sumar og blása það mál upp koma Guðrúnu þannig frá.

Það var eitt af kosningaloforðum y listans að taka ekki þátt í meirihluta þar sem kjörinn bæjarfulltrúi væri í stól bæjarstjóra og við það var staðið. Því var það svo allavega meðal bæjarfulltrúa Samfylkingarinnar að þeir gengu út frá því þegar þeir samþykktur að láta Guðrúnu fara að í staðinn kæmi annar bæjarstjóri utan raða kjörinna fulltrúa.

Það er einnig rangt sem þú gefur í skyn að til fjögurra flokka meirihlutans hafi verið stofnað af einhverjum annarlegum forsendum. Til hans var stofnað til að koma ákveðnum málefnum að og til að ná Kópavogi upp úr þeirri fjárhagslegu rúst sem óráðsía meirihluta Sjálfstæðisflokks og Framsóknarflokks var búin að koma honum í.

Framkoma Samfykingarinnar í garð Sálfstæðisflokksins hefur verið heiðarleg. Forystujmenn SF hafa sagt eins og er að það sé mjög langt milli Samfylkingar og Sjálfstæðisflokks málefnanlega og því séu það þung spor að ræða við þá um meirihlutamyndun. Að taka síðan  orð einstaks félagsmanns í Samfylkingunni á opnum félagsfundi sem eitthverja forkastanlega framkomu Samfylkingarinnar í garð Sjálfstæðifslokksins er því út í hött og lýsir miklum barnaskap. Ert þú viss um að ekki komi verri orð um Samfylkinguna eða Guðríði frá einstökum félögum í Sjálfstæðisflokknum á félagsfundum þar? Þetta er einfaldlega fyrirsláttur manna sem einfaldlega vilja ekki ganga til samstarfs við Safmylkinguna og vantar réttlætingar fyrir því að láta bæinn frekar vera stjórnlausan heldur en að ganga til liðs við Safmylkinguna.

Ingibjörg. Ástæða þess að ekki er enn búið að segja Guðrúnu formlega upp er sú að meirihlutinn sprakk. Það getur engin einstaklingur sagt bæjarstjóra upp heldur þarf að samþykka það með meirihluta atkvæða í bæjarstjórn. Þess vegna stóð allan tímann til að gera það á bæjarstjórnarfundi í gær. Það væri hins vegar ábyrgðarhluti að segja upp bæjastjóra meðan enn er ekki búið að mynda meirihluta til að ráða nýjan bæjarstjóra í staðinn. Þess vegna mun uppsögn hennar bíða ákvörðunar nýs meirihluta. Vissulega getur það gerst að nýr meirihluti ákveði að láta hana starfa áfram en það gerist þá ekki nema einhver þeirra sex sem voru búnir að ákveða af gefnu tilefni að láta hana fara skipti um skoðun.

Það að tilkinna Guðrúnu það með góðum fyrirvara að meirihlutinn treysti henni ekki lengur til að klára þau verk sem henni hafði verið falið og ætlaði að skipta um bæjarstjóra var fyrst og fremst gert til að gefa henni sem bestan tíma til að ákveða hvernig hún vildi fara frá þannig að hægt væri að gera það með sem mestri reisn fyrir hana. Því miður lak þetta í fjölmiðla á viðkvæmum tíma og tól þannig þá atburðarrás úr höndum bæði Guðrúnar og meirihlutans. Það var aldrei komið óheiðarlega fram við Guðrúnu í þessu máli og stóð aldrei til að fara illa með hana.