Að vilja ganga í ESB eða EKKI - allt annað skiptir ekki máli

Það er fullkomið aukaatriði hve margir vilja klára aðlögunarviðræðurnar við Evrópusambandið - það sem skiptir öllu máli það er hve margir vilja að Ísland verði aðili að Evrópusambandinu.

Það sem við erum núna að gera er að laga lög og reglur islands að Evrópusambandinu - umboðið sem fékkst á alþingi 2009 er búið í lok þessa kjörtímabils.

Jóni Bjarnasyni var vísað úr utanríksmálanefnd þar sem hann vildi að málið færi inn í þingsal þannig hægt væri að kalla fram hvort raunvörulegur meirihluti væri ENN fyrir aðildarviðræðum við Evrópusambandið EN það vildi Jóhanna EKKI og krafist þess að Steingrímur myndi SPARKA Jón NIÐUR í annað sinn annars myndi hann tapa því sem skiptir hann öllum máli - VÖLDIN.

Þjóð sækir ekki um aðild að ESB nema skýr vilji sé hjá bæði þjóð og þingi - hjá okkur er hvorugt

Eina leiðin til að halda þessu máli áfram er málamiðlunarleið Sjálfstæðisflokksins að kjósa um hvort haldið skuli áfram.

48,5% vilja ljúka viðræðum við ESB

Athugasemdir

[Sigurður M Grétarsson, 18.1.2013 kl. 22:43]

Það eru margar rangfærslur í þessum pistli.

Í fyrsta lagi erum við í samningaviðræðum við ESB en ekki aðlögunarferli.

Í öðru lagi erum við ekki að breyta neinum lögum vegna aðildarusóknar að ESB. Við erum hins vegar á fullu að breyta lögum til samræmis við ESB reglur vegna aðilar okkar að EES samstarfinu. Það höfum við verið að gera í tvo áratugi og erum enn að og værum enn að því þó við værum ekki í aðildarviðræðum við ESB.

Svo skulum við ekki gleyma því að það er stór munur á því að vilja klára aðildarviðræður og það að vila ganga í ESB. Það liggja ekki allar upplýsingar á borðinu um það hvað aðild felur í sér fyrr en aðildarsamningur hefur verið kláraður og stór hluti þjóðarinnar getur því ekki gert upp hug sinn fyrr en það ferli hefur verið klárað. Það skiptir engu málli hversu oft ESB andstæðingar ljúgi því að ekki sé um neitt að semja heldur snúist samningaviðræðurnar aðeins um það hvernig við tökum upp reglur ESB þetta heldur samt áfram að vera lygi. Reynslan frá aðildarviðræðum annarra þjóða segir allt sem segja þarf um það.

Ástæða þess að ESB andstæðingar vilja hætta aðildarviðræðum áður en samningur liggur á borðinu er sú að þeir vita að þá er hætt við að þjóðin muni almennt sjá í gegnum rangfærslurnar, mýturnar og innistæðulausa hræðsluáróðurinn sem þeir hafa ausið yfir þjóðina og að þá verði meirihlutastuðningur við aðild. Þess vegna vila þeir fá fram kosningu meðan stór hluti þjóðarinnar trúir enn bullinu í þeim og kjósi þar með gegn aðild á röngum forsendum.

[Óðinn Þórisson, 19.1.2013 kl. 09:29]

Sigurður M. - ég stend við það sem ég segi og hef fengið staðfest á fundum um að þetta eru aðlögunarviðræður - enda sóttum við um að ganga í ESB en ekki öfugt.

Við verðum að fara tala um þetta skýrt, eins og komið hefur fram er búið að loka 11 köfflum og um hvað var samið EKKI NEITT - lög og reglur ESB.

Það er Samfylkingin sem er hrædd við vilja þjóðarinnar, hefur 2 sinnum komið í veg fyrir þjóðin komi að málinu og nú í 3 sinn um daginn þegar Jóhanna lét Steingrímur sparka Jóni út úr utanríksmálanefnd eftir að hann hafði myndað lýðræðilelegan meirihluta um að málið færi inn í þingsal til að kalla fram raunvörulegan meirihluta á þinginu - Samfylkingin hefur í þessu máli eins og öðrum sýnt ótrúlega ólýðræðisleg vinnubörgð sem eru flokknum til háborinn skammar og nú Stjórnarskármálið - ömurlegt

Þessi ákvörðun um að hægja á aðlöguninni mun hafa áhfir á fylgi við flokkinn - að gefa eftir í þessu máli sýnir að völd koma fyrst og málefni svo hjá Samfylkingunni - það er bara þannig. 

[Sigurður M Grétarsson, 19.1.2013 kl. 18:53]

Úr því þú ert svona mikill sérfræðingur í þessu þá er þér væntanlega ekki í skotaskuld að nefna nokkur lög sem sett hafa verið til aðlögunar að ESB vegna aðildarumsóknar okkar. Það væri ekki verra ef þú gætir fært fyrir því rök að þau lög séu vegna aðildarumsóknar okkar en hafi ekki verið nauðsynleg vegna aðilar okkar að EES samningum.

Staðreyndin er sú að það líða eitt og hálft til tvö ár frá því aðild er samþykkt þangað til umsóknarríki verður formlegur aðili að ESB. Það er á þessum tíma sem aðlöguniun fer fram að mestu leyti. Einu breytingarnar sem gerðar verða eru breytingar sem ekki er mögulegt að framkvæma innan þessa tímaramma. Í þeim efnum eru bæði fordæmi fyrir því að hefja aðlögun fyrr og einnig að samið er um tímabundna undanþágur eftir aðild.

Hvað okkur Íslendinga varðar þá ber það lítið í milli með íslenska löggjöf og ESB löggjöf að við getum framkvæmt nánast allar breytingarnar innan þessa tímaramma enda við búin að vera í aðlögun að ESB í 20 ár vegna aðildar okkar að EES samningum. Það sem nú er verið að framkvæma að 80% hluta á kostnað ESB eru skoðun á okkar regluverki samanorið við ESB reglur til að vita hverju þurfi að breyta, smíði tölvuforrita sem þarf til að við getum tekið upp ESB reglur sem tekur meira en tvö ár að smíða ásamt þjálfun og námskeiðum fyrir ýmsa opinbera starfsmenn í ESB regluverki þannig að þeir verði tilbúnir til að starfa eftir þeim verði aðild samþykkt.

 Það er hins vegar ekki verið að breyta starfsumhverfi þeirra fyrirtækja og stofnana meðan á aðldarviðræðum stendur og það verður ekki búið að koma á neinum óafturkræfum breytringum á fyrir þjóðaratkvæðagreiðslu um aðildarsamning.

Þann 22. janúar á seinasta ári samþykku íbúar Króatíu aðild að ESB og eru þeir núna á fullu í aðlögunarferli vegna aðildar þeirra að ESB sem mun verða formleg á þessu ári. Það var hins vegar ekki búið að gera neinar óafturkræfar breytingar á þeirra þjóðfélagi fyrir þjóðaratkvæðagreiðslu fremur en gert verður hér.

Fullyrðingar um að við séum í aðlögun að ESB en ekki umsóknarferli eri því haugalygi.

Þeir kaflar sem hefur verið lokið eru þeir kaflar sem minnst munar á okkr reglum og ESB reglum og þeim atriðum sem minnstu máli skipta. Það er því eðlilegt að ekki hafi verið samið um miklar breytingar á ESB reglum í þeim köflum. Þó hefur samninganefnd ESB meðal annars samþykkt samnigstexta sem kverður á um að aldrei verði hægt að skylda íslenska ríksiborgara til herþjónustu í ESB her. Það var auðvelt fyrir samninganefnd ESB að samþykkja það enda hefur aldrei staðið til að setja á stofn ESB her sem hægt væri að skikka menn til að þjóna í. Það hefur heldur aldrei staðið til að taka fullveldi af aðildarþjóðum þannig að ESB gæti yfir höfuð skipt sér af því hvort herskylda er í tilteknum ESB ríkjum eða ekki. Enda eru aðeins 7 af 27 aðildarríkjum ESB með herskyldu. Ef eitthvað er þá er líklegra að herskylda verði skilgreind sem mannréttindabrot í mannréttindasáttmála Evrópu heldur en að ESB fari að beita sér fyrir herskildu. Enda er herskilda ekkert annað en gróft mannréttindabrot.

Þau ríki sem gengið hafa í ESB hafa öll náð fram breytingum á ESB reglum í þeim málaflokkum sem mikilvægastir eru fyrir viðkomandi ríki. Þær breytingar sem við munum ná fram munu því fyrst og fremst vera í sjávarútvegs og landbúnaðarköflunum. Þeir kaflar hafa ekki enn verið opnaðir.

Samfylkingin er ekki hrdd um að leggja ákvarðanir fyrir þjóðina enda mun aðildarsamniungurinn verða borin undir þjóðina þegar hann liggur fyrir. Samfylkingin vill að þjóðin geti tekið upplýsta ákvörðun um aðild sem er annað en ESB andstæðingar vilja gera sem keppast við að ná fram þjóðaratkvæðagreiðslu áður en allar staðreyndir málsins liggja á borðinu. Þeir vilja sem sagt að fólk kjósi út frá flökkusögum í stað staðreynd.

Við ESB sinnar erum ekki hræddir við þjóðaratkvæðagreiðslu um aðildarsamning þar sem kjósendur geti tekið upplýsta ákvörðun með allar staðreyndir á borðinu. Það eruð þið ESB andstæðingar klárlega hræddir við. Annars væruð þið ekki svona harðir á að stöðva ferlið áður en það næst að klára ferlið og fá allar upplýsingar upp á borðið.