Það er gott að eiga einkabíl

Fólk þarf að mæta á ákveðinum tíma í skóla, vinnu o.sfrv og þá er gott að eiga einkabíl þar sem maður stjórnar því sjálfur hvort maður mætir á réttum tíma en ekki horfa upp á strætó bruna framhjá.

Reykjavík er einkabílaborg og verður það klárlega áfram meðan stræstó heldur áfram að bjóða upp á svona " glæsilega " þjónustu.

Stútfullur strætó keyrir framhjá

Athugasemdir

[Þorsteinn H. Gunnarsson, 8.9.2014 kl. 18:26]

Í stútfullum strætó eru ca 70-100 mans og ef hver þeirra væri á einkabíl væru það ca 70 eikabílar. Það færi nú að þrengjast um á götunum Óðinn og þú kæmist ekki lönd né strönd.

Það er erfitt fyrir Stætó að áætla hvað þarf að hafa mikið umleikis fyrst á haustin og það vantar vagna til að mæta þeirri aukningu.

Fidel Castró á Kúbu  leysir málið þannig að hann notar treilera til að aka mold og möl á nóttunni en hengir svo þar tilgerða farþegavagna á treilerana á daginn. Þarna eru trukkarnir nýttir í botn.

Það mætti gera tilraun með það þegar gömlum vagni er lagt að breyta honum í aftanívagn og hringja í Þrótt þega álagið eykst???

[Hallgeir Ellýjarson, 8.9.2014 kl. 18:39]

Reykjavík verður einkabílaborg að minnsta kosti út þessa öld einfaldlega vegna þess að byggðin er svo rosalega dreifð sem gerir erfitt fyrir almannasamgöngum. Höfuðborgarsvæðið er áberandi stórt svæði fyrir aðeins 200.000 manns.

Það á samt ekkert að vera neitt tabú að viðurkenna þetta. Flestir sem nota strætó gera það í neyð en ekki vegna þess að þeim finnst það vera svo frábær kostur.

Ríkið mætti alveg fara að slaka á ofurálagningunni svo að sem flestir ráði við að reka bíl. Fyrir utan börn og nemendur þá eru þetta fyrst og fremst látekjufólk sem er í vögnunum og mér finnst það vera sorgleg þróun á stéttaskiptingu. Rekstur á bíl á að flokkast sem eðlilegur hluti hér á landi frekar en lúxus.

[Óðinn Þórisson, 8.9.2014 kl. 20:05]

Þorsteinn - hvað með öryggi þessara 70 - 100 einstaklinga sem eru ekki öryggisbeltum ef strætó lendir í slysi ?
En setjum það til hliðar, bílastæðum hefur verið fækkað í Borgartúni úr hvað 88 stæðum í 33 og við Hverfisgötu hefur þeim verið fækkað um hvað 2/3.
Fyrrv. og núverndi borgarstjórnarmeirihluti hefur ákveðið að fara í 10 ára vegaframkvæmdastopp í Reykjavík og má segja að báðir þessir meirhlutar séu í raun fjandsamlegir einkabílum.
Auðvitað er þetta stopp gert gegn einkabílnum og frelsi fólksað velja hvernig það ferðast.
Þetta er hugmyndafræðileg barátta sem t.d GMB tapaði inn Sjálfstæðisflokksins.
Förum í vegaframkvæmdir, hættulegustu gatnamótin í Reykjavík eru kringlumýrabraut/miklabraut, misæg gatnamót þar ættu að vera alger forgangmál ef ekki nema bara til að auka öryggi fólks.
Núverandi meirihluti var að henda 51 milljón í listavek á blokkum í breiðholti, þetta kallast að fara illa með skattpeninga Reykvíkinga.
Áhugavert að þú nefnir Fidel, það hefur verið sagt að núverandi meirihluti sé sá rauðasti frá upphafi.

[Óðinn Þórisson, 8.9.2014 kl. 20:16]

Hallgeir - mjög málefnalegt og gott innlegg í umræðuna um einkabílinn.

Það eru sjálfsögð manréttindi að eiga og geta rekið einkabíl en það verður alltaf erfiðara og erfiðara að fólk eigi sjáflt bíl ef borgaryfirvöld ætla að halda áfram að hatast við einkabílin og gera ekkert í vegaframkvæmdum í höfuðborginni.

Í þessu sjáum við sósíalistmann í sinni tærustu mynd að gera almenningi eins erfitt fyrir og hægt er.

Hafðu í huga að það tekur tíma að innleiða þessa breytingu að gera erfitt fyrir einkabíilnum en það mun gerast í litlum áföngum.

[Þorsteinn H. Gunnarsson, 8.9.2014 kl. 20:27]

Óðinn ég er fylgjandi rafbílavæðingu eins og kostur er. Held að þetta verði allt að vera í bland, það er farsælast.

[Axel Jóhann Hallgrímsson, 8.9.2014 kl. 21:46]

Fólk á einkabílum mætir að mínu viti hlutfallslega oftar of seint í vinnuna, því það leggur yfirleitt of seint af stað, rakar sig jafnvel og málar á ljósum. Fólk sem tekur strætó er tímalega í því, því það veit að það þarf að hafa tímann fyrir sér. 

[Óðinn Þórisson, 8.9.2014 kl. 22:22]

Þorsteinn - þetta snýst um val fólks til að velja þann ferðamáta sem það vill.
Strætó í dag eins og þessi frétt staðfestir er ekki að veita þá þjónustu sem hann á að gera.
Við erum bara einfaldlega líka það fá og dreifð byggð að strætó getur aldrei gengið eins oft og hann þarf til að hann verði raunvörulegur valkostur nema fyrir eins og kemur hér fram hjá Hallgeiri fyrir skólafólk og láglaunafólk.
Frelsið felst í einkabílnum.

[Óðinn Þórisson, 8.9.2014 kl. 22:30]

Axel - get einfaldlega ekki tekið undir þetta hjá þér en á endan snýst þetta um svo ég segi það enn einu sinni frelsi fólks til að velja hvernig það ferðast, ef fólk hvort sem það velur strætó, hjóla, labba, einkabílinn þá snýst þetta um einstaklinginn að mæta á réttum tíma og það er bara vont að treysta á strætó sem keyrir framhjá manni.