Framsóknarmenn taka ákvörðun um að vera lítill stjórnmálaflokkur

Á þessu má öllum vera það ljóst að Framsóknarmenn hafa ákveðið að vera örflokkur og hugsanlega þurkkast út. Þeir höfðu einn mann sem gat hugsanlega breytt þessu fyrir þá en þeir höfnuðu honum.

Leyfi ég mér að láta ESB-ákvörðun þeirra að fylgja með:

Flokkurinn vill standa vörð um fullveldi og óskorað forræði Íslendinga yfir auðlindum þjóðarinnar grundvallarkrafa í þeim viðræðum. Viðræðuferlið á að vera opið og lýðræðislegt og leiði viðræðurnar til samnings skal íslenska þjóðin taka afstöðu til aðildarsamnings í þjóðaratkvæðagreiðslu í kjölfar upplýstrar umræðu.Önnur atriði:

-Skýr og einhliða úrsagnarréttur, sem er þegar viðurkenndur í aðalsáttmála ESB, verði hluti aðildarsamnings.
-Staðfest verði að Íslendingar einir hafa veiðirétt innan íslenskrar fiskveiðilögsögu og að fiskveiðistjórnun verði áfram innanríkismál Íslendinga, enda styðjist hún við reglur ESB um stöðug hlutföll, nálægðarreglu og Lúxemborgarsamkomulagið. Ísland verði sjálfstæður aðili að samningum um flökkustofna.
-Fæðuöryggi þjóðarinnar verði tryggt og viðurkennd nauðsyn á sérstökum ákvæðum vegna fámennis þjóðarinnar.
-Viðurkennt verði að íslenskur landbúnaður sé heimskautalandbúnaður.
-Framleiðsla og úrvinnsla íslenskra búfjárstofna verði tryggð ásamt sérstöðu og hreinleika íslenskra landbúnaðarstofna.
-Staðfest verði að vegna aðstæðna á Íslandi og fámennis þjóðarinnar hafi Íslendingar varanlegan rétt til að setja lög um forgangsrétt manna með lögheimili og fasta búsetu á Íslandi til að eiga ráðandi hlut í jarðeignum, lóðum, fasteignum og atvinnufyrirtækjum, enda styðjast slík ákvæði við núgildandi reglur á Álandseyjum, Möltu, Azoreyjum og víðar innan ESB.
-Í upphafi viðræðna verði gerður stöðugleikasamningur við Evrópska seðlabankann sem tryggi stöðugt gengi íslensku krónunnar þar til Íslendingar taka upp evru.
-Tekið verði tillit til stöðu íslensks efnahagslífs við umbreytingu peninga- og gjaldeyrismála á Íslandi.
-Ákvæði verði um varðstöðu um íslenska þjóðmenningu, þjóðtungu og þjóðhætti á Íslandi. Íslenska verði viðurkennt sem eitt hinna opinberu tungumála ESB.

Þetta er eins og BB sagði hefbundið nei nei / já já

Þetta er búið hjá Framsókn.

Höskuldur og Sigmundur áfram

Athugasemdir

[ÞJ (IP-tala skráð) 18.1.2009 kl. 16:08]

Nei nei og já já segirðu.  Ég hef nú ekki heyrt þetta svo lengi tengt við Framsókn.  Sjallar eiga þetta já já og nei nei miklu frekar skilið, það eru ekki nema örfáir mánuðir síðan ekki mátti ræða ESB en hvað er uppi núna? Jú jú já já og nei nei.  Samfylkingin segir nei við öllu annann daginn en já hinn daginn.  Vinstri grænir vilja ekki mengunarlitla stóriðju á Norðurlandi en vilja nú Kísilverksmiðju á Húsavík sem mengar margfallt meir.  Þannig að finndu þessu já já og nei nei sugli þínu einhvern annan stað.

[Eiður Ragnarsson, 19.1.2009 kl. 07:06]

Hvað er eiginlega að því að setja sér slýr samningsmarkmið og reyna að ná þeim???  Það veit engin fyrr en á hólminn er komið hvort að þetta er útilokað eður ei....