Til umhugsunar

Það að enginn þingmaður Samfylkingarinnar greiddi atkvæði með tillögu Sjálfstæðisflokksins um það að þjóðin fengi að segja skoðun sína á því hvort farið yrði af stað í þessar aðildarviðræður vekur spurningar um það hvort Samfylkingin treysti ekki þjóðinni.

Nú liggur það fyrir að sú þjóðaratkvæðagreiðsla sem fer fram þegar samningurinn liggur á borðinu er einungis ráðgefandi og því verður það alþingis að staðfesta samninginn en ekki þjóðarinnar.


Það verður vissulega fróðlegt þegar farið verður af stað í þessar viðræður hvað munu vg gera sem hefur þá yfirlýstu stefnu varðandi ESB að hagsmunum okkar Íslendinga sé best borgið utan ESB -

Að leggja af stað í viðræður við klúbb sem þú hefur engan áhuga að ganga í er í raun stórfurulegt -


Og afstaða landbúnar og sjávarútvegsráðherra gagnvarrt ESB er öllum kunn -

Meirihluti styður viðræður

Athugasemdir

[Hjörtur J. Guðmundsson, 30.7.2009 kl. 08:03]

Fréttablaðið hefur hingað til ávallt spurt að því í skoðanakönnunum sínum hvort vilji væri fyrir því að sótt yrði um aðild að Evrópusambandinu í stað þess að spyrja hvort vilji væri fyrir því að hefja aðildarviðræður. Spurningin „Á Ísland að sækja um aðild að Evrópusambandinu“ var þannig t.a.m. notuð í öllum síðustu skoðanakönnunum Fréttablaðsins um Evrópumál, í marz, janúar, nóvember og október.

Spurningin um umsókn um aðild er heiðarlegri enda ljóst að áður en einhvers konar viðræður geta farið fram um hugsanlega inngöngu í sambandið þarf að senda inn umsókn um hana. Um það snerist enda einmitt frumvarp ríkisstjórnarinnar sem lagt var fram á Alþingi og samþykkt naumlega. Tilgangurinn meðvkönnuninni nú er væntanlega að kanna stuðning við þá aðgerð.

Það hefur sýnt sig að mikill munur er á því hvaða niðurstaða fæst eftir því hvor spurningin er notuð. Sé spurt um aðildarviðræður er allajafna meirihluti fyrir þeim en sé spurt um umsókn um aðild hefur yfirleitt verið meirihluti gegn henni. Þetta bendir til þess að fólk vilji einhvers konar könnunarviðræður við Evrópusambandið en ekki formlega umsókn.

Spurningin er hins vegar hvers vegna Fréttablaðið ákvað allt í einu að breyta þeirri spurningu sem notuð hefur verið allar götur til þessa? Var það gert í pólitískum tilgangi til þess að fá æskilegri niðurstöðu en ella? Það verður ekki séð að neitt annað geti útskýrt þessa skyndilegu breytingu.

[Siggi (IP-tala skráð) 30.7.2009 kl. 08:05]

þessar tölur eru svindl

12,1% voru óákveðnir og 8,8% vildu ekki svara = 20,9%

 Alls tók 87,1% aðspurðra afstöðu til spurningarinnar.  

Eitt að blaðamenn fréttablaðsins komi með svona vitleysu, enn að moggamenn birti þetta sem frétt án þess að sjá þessa villu er náttúrulega bara súrealískt.

[Jón Ingi Cæsarsson, 30.7.2009 kl. 09:02]

Sjallakórinn er fyndinn. Ef niðurstöður skoðanakannana eru ekki hagstæðar þeirra lund eru þær rangar eða villandi.

Samfylkingin ætlar að láta þjóðina segja já eða nei við efnislegum samningi en ekki hvort eigi að fara í viðræður...enda er það tímasóun og vitleysa og flestir um það sammála nema gallharðir sjallar og nokkrir aðrir.

[Jón Aðalsteinn Jónsson, 30.7.2009 kl. 09:51]

Þeir sem eru óákveðnir eru allt að því fylgi annars stjórnarflokksins