Ætlar Jóhanna Sigurðardóttir ekki að axla ábyrgð ?

Jóhanna Sigurðardóttir formaður Samfylkingarinnar og forsætisráðherra hefur ekki enn axlað pólitíska ábyrgð á sínum hluta í hruninu. Hún var kosin á þing ´78, var í ríkisstjórn Geirs og var þar einn af 4 ráðherrum í nefnd um fjármál ríkisins - og því lykilráðherra þegar hrunið varð.
Hún getur sýnt fólki það að Samfylkingin raunverulega axli ábyrgð og biðjist aðsökunar á þeirra hlut í hruninu með því að Frú Jóhanna stigi til hliðar - ef ekki þá hefur Samfylkingin ekki klárað sinn hlut í hruninu gangnvart þjóðinni.

Samfylkingin biðst afsökunar

Athugasemdir

[Halldór Jóhannsson, 4.12.2010 kl. 18:15]

Heill og sæll...

Tek undir með þér....

Þessar merkingslausu afsakanir eru afskaplega þreytandi....

Kveðja..

[Guðjón Sigþór Jensson, 4.12.2010 kl. 18:17]

Þetta er nú meira en feyskin forysta $jálfstæðisflokksins hefur treyst sér.

Mosi

[Sóldís Fjóla Karlsdóttir, 4.12.2010 kl. 19:26]

.Oðinn..... ég er þer svo innlega SAMMÁLA.

[Rakel Sigurgeirsdóttir, 5.12.2010 kl. 05:18]

Sumir eru á því að nú sé komið að því að gefa stjórnmálaflokkunum endurhæfingarfrí frá ráðherrastólunum. Þetta er leiðin til þess: http://utanthingsstjorn.is/

[Guðjón Sigþór Jensson, 5.12.2010 kl. 12:57]

Allt tal um utanþingsstjórn er mjög óraunhæft meðan ríkisstjórn sem styðst við þingmeirihluta er við völd.

Þegar atvik voru þannig að erfitt var að mynda ríkisstjórn sem studdist við meirihluta Alþingis eins og gerðist 1944, þá kann þetta að vera raunhæf leið en hún er ekki skynsamleg með hliðsjón af sjónarmiðunum um þingræði.

Utanþingsstjórn er mun veikari ríkisstjórn enda þarf hún að víkja fyrir vantrausti rétt eins og aðrar ríkisstjórnir sem ná ekki að verjast því.

Árið 1979 kom síðast til tals að mynda utanþingsstjórn eftir mjög langa stjórnarkreppu sem leystist þegar Gunnar Thoroddsen myndaði meirihlutastjórn. Það var þá talinn vera skárri kostur enda utanþingsstjórn þrautalending þegar annað stjórnarmynstur kæmi ekki til greina.

Vinstri stjórn Jóhönnu og Steingríms á mikinn heiður skilinn enda hefur árangurinn orðið meiri en vænst var til þrátt fyrir úrtöluraddir sem hafa verið bæði harðvítugar og oft mjög ósanngjarnar.

Skyldi fólk kasta grjóti á slökkvilið að störfum? Vinstri stjórnin hefur áorkað mjög miklu þrátt fyrir heiftúðglega gagnrýni.

Mosi

[Óðinn Þórisson, 5.12.2010 kl. 13:18]

Takk fyrir commentin
Halldór - sammála þetta er innantómt og merkingarlaust plagg
Sóldís - takk fyrir innlitið
Rakel - þetta er eitthvað sem verður að skoða mjög vel
Guðjón - ég er ekki sáttur við ákveðna hluti sem eru en óuppgerðir hjá Sjálfstæðisflokknum. Það breytir því ekki að þessi umbótarskýrlsa er innantóm hjá SF ef ekki verður breytt um forystu í flokknum og svo dásamar þú ríkiisstjórn sem hefur ekkert gert nema vera fyrir atvinnuuppingu og hefur bara það eina að skattpína almenning - eins og þú veist þá verður engin endurreisn fyrr en þessi vinstri " velferðarstjórn " fer frá

[Guðjón Sigþór Jensson, 5.12.2010 kl. 14:27]

Ríkisstjórnin hefur gert meira en margir vilja viðurkenna. Af ávöxtunum skuluð þið þekkja þá!

Kv.

Mosi

[Rakel Sigurgeirsdóttir, 5.12.2010 kl. 16:56]

Hverju skiptir þingmeirhluti í ljósi þess að traust almennings til Alþingis er í sögulegu lágmarki!?

Það var athyglisvert í stóru mótmælunum 4. okt. sl. að þegar fólk var spurt um það hverju það væri að mótmæla þá svaraði meiri hluti þeirra sem varð fyrir svörum að það treysti ekki núverandi stjórnvöldum né þingmönnum hinna flokkanna. Þetta fólk væri allt að vinna gegn almannahagsmunum. Margir viku að því sem heitir utanþingsstjórn þó þeir væru ekki klárir á því hvað þetta fyrirbæri heitir.

Viðbrögð stjórnvalda við því þegar þessi undirskriftarlisti kom fram vekur líka athygli. Sömu helgi og þessi undirskriftarlisti fór í loftið risu áróðurspennarnir upp og kölluðu þá sem standa að baki þessari kröfu tunnuterrorista og fasista. Guðni Th. Jóhannesson rak síðan smiðshöggið í Kastljósinu að kvöldi þingsetningardagsins 4. nóv. sl.

Það er ljóst að óraunhæfar hugmyndir eru ekki svaraverðar þannig að það er ljóst að krafan um utanþingsstjórn í þeirri stjórnmála- og samfélagskreppu sem við búum við núna er raunhæf hugmynd sem stjórnvöldum stendur stuggur af!

Meinbugurinn á þeirri stjórnskipunarhefði sem Sveinn Björnsson skapaði skipun utanþingsstjórnar árið 1942 er lýðræðislegur. Ég hef nú þegar skrifað þingmönnum tvö opin bréf þar sem ég legg það til að þeir skapi skipan utanþingsstjórnar lýðræðislegri umgjörð. Einn þingmaður tók vel í hugmyndina og setti það fram í bréfi sem hann sendi á mig og samstarfsfólk sitt á þinginu.