Umfjöllun komin yfir strikið

Umfjöllun pólitískra andstæðinga Ólafs er komin langt yfir strikið og nú er nóg komið.
Ég ætla hér með að biðja alla moggabloggara um að hætta allri umfjöllun um heilsufar Ólafs sem er hans einkamál.
Ólafur er með læknisvottorð. Hver var það sem krafði hann um slíkt, var það Margrét Sverrisdóttir sem gerði það, kæmi mér ekki á óvart enda ætlar hún ekki að styðja þau málefni sem hún stendur fyrir og hefur lýst vantrausti á oddvita sinn.
Þetta var a.m.k skrítin leið að bjóða hann velkominn aftur til starfa enda kom í ljós að áhuginn á hans kröftum og stefnumálum sem hann stendur fyrir voru ekki í hátt skrifuð í gamla meirihutanum.

Til hamingju Reykvíkingar með nýja borgarstjórnarmeirihlutann.

Ólafur: Aðalatriði að ég starfi af heilindum

Athugasemdir

[Óskar, 26.1.2008 kl. 09:42]

Alveg finnst mér merkilegt hvað fólk skrifar og talar af mikilli fávisku. Þá á ég bæði við þá sem fara offörum gegn Ólafi og þá sem skrifa jafn kjánalega pósta og þennan sem þú varst að skrifa. Stígur þú upp eins og verndari réttlætisins, setur upp smá plott um samsæri til að skíta Margréti út og leiða athyglina frá valdagræðginni sem í raun stjórnar ferðinni í þessu máli og talar eins og Margrét hafi svikið málstaðinn frekar en að hún var skilin eftir í græðgisplotti Óla og Villa.

Hamingja mín er lítil með þennan meirihluta, eindaldlega af því að það hefur ekkert komið fram sem sýnir mér að sú tilfinning sem ég hef fyrir honum sé röng. Sú tilfinning segir mér að græðgin stýri borgarskútunni nú um mundir. Vonandi hef ég rangt fyrir mér.

[Gunnar (IP-tala skráð) 26.1.2008 kl. 10:10]

Kejll Magne Bodevik norski forstætisráðherrann sýndi afar gott fordæmi með því einfaldlega að gera þjóð sinni grein fyrir veikindum sínum eftir að hann lagðist á sjúkrahús vegna þunglyndis - og uppskar skilning og ef einhverjir hafi ekki treyst sér til að styðja hann á eftir voru a.m.k. jafn margir nýjir stuðningsmenn sem komu í staðin.

Davíð Oddsson veiktist með allt öðrum hætti en að sjálfsögðu gerði hann þjóð sinni grein fyrir veikindum sínum og uppskar ekkert nema skiling, stuðning og sammúð á móti.

Það eru mikil og alvarlega mistök hjá Ólafi F að gera borgarbúum ekki grein fyrir veikindum sínum og ekki síður það að ímynda sér að fólk sé af illgirni að skálda uppá hann þegar það einfaldlega skortir upplýsingar en byggir umræðu á því litla sem það veit.

[Steingrímur Jónsson (IP-tala skráð) 26.1.2008 kl. 10:32]

Ég hef dýpstu samúð með öllum þeim sem þjást af þunglyndi.  Þetta er viðbjóðslegur sjúkdómur sem getur leynst öllum nema viðkomandi en samt breytt öllum hugmyndum fólks um sjúklinginn. 

En spurningin um heilsufar nýs borgarstjóra hefur í sjálfu sér ekkert með það að gera að hvers eðlils það er.   Málið snýst um það að varafulltrúi hans styður ekki nýja meirihlutann og  ef veikindin taka sig upp að nýju þá er meirihlutinn sprunginn aftur - það er stóra málið!  Það að veikindin sem hráðu Ólaf hafi verið tengd andlegu álagi skiptir reyndar líka máli í þessu sambandi því það getur vissulega fylgt mikið álag því að vera borgarstjóri.

Þetta er svona svipað því að maður sendir ekki mann sem er nýskriðinn upp úr lungnabólgu í það að ýta bíl úti í snjóstormi - sérstaklega ef það væri ljóst að það væri enginn til að taka við þegar bíllinn er kominn út í miðjan skafl.

Ef að Margrét Sverrisdóttir hefði stutt Ólaf í verkum hans þá hefði heilsufar hans ekki skipt neinu einasta máli - á sama hátt og heilsufar Vilhjálms Vilhjálmssonar skiptir ekki máli - hann hefur varaborgarfulltrúa sem styður meirihlutann.

[Óðinn Þórisson, 26.1.2008 kl. 11:52]

Takk fyrir commentin.
Það er mín skoðun að heilsufar hvers og eins er hans mál, ef Ólafur kýs að ræða það ekki er það hans mál.
Varðandi Margréti, hún verður að svara því sjálf hversvegna málefni sem hún hefur barist fyrir skipa ekki lengur máli.
Það er mikilvægt að þessum nýja meirihluta gangi vel því þá mun Reykvíkingum vegna vel.
Þessi meirihluti mun láta verkin tala enda með málefnasamning á bak við sig sem fyrri meirihluti hafði ekki treyst sér til að gera á 100 dögum. Hallgrímur Helgason gagnrýni Dag B. Eggersson harðlega í kastljósi í gær fyrir að hafa ekki gert málefnasamning, treysti hann sér ekki til að leyða hópinn í gegnum slíka vinnu.

[Steingrímur Jónsson (IP-tala skráð) 26.1.2008 kl. 15:05]

Getur það verið að Margrét hafi vitað að hún gæti betur komið þessum stefnumálum í eldra samstarfinu?   Ég minni á að málefni F listans voru meira en bara Flugvöllur og gömul hús.

"málefnasamningurinn" er upp á 17 atriði - gott ef tvö þeirra eru ekki um flugvöllinn.  Í borgarstjórn Reykjavíkur er farið yfir tugi ef ekki hundruða mála.  Hvað gerist þegar kemur að því að afgreiða mál sem ekki er á "málefnasamningnum"?