Vörður / Valhöll kasta inn hvíta handklæðinu

Það lítur út fyrir að Sjálfstæðisflokkurinn ætli að sitja hjá í borgarstjórnarkosningunum 25 mai og tryggja án nokkurs vilja eða áhuga að gefa sömu flokkum á silfurfati áframhaldandi stjórn á borginnu.

Flokkurinn er búinn að kasta inn hvíta handklæðinu og ætlar ekki láta til sín taka fyrir borgarstjórnarkosningarnar.

Bjarni virðist vera á leið út og það er komin ansi mikil vinstri - slagsíða á flokkinn.

Ég mun skoða það hvort ég muni endanlega loka þessari síðu. 

Baráttan um borginu er lokið af hálfu Sjálfstæðisflokksins.

Góðar stundir. Ég ætla að gefa mér fram yfir helgi hvort ég loki þessi bloggi eða ekki sem verður að teljast í augnablikinu mjög líklegt.

Festi fær milljarða á silfurfati

Athugasemdir

[Þorsteinn Briem, 20.1.2022 kl. 11:09]

Sveitarstjórnarkosningar verða 14. maí næstkomandi, samkvæmt 24. gr. nýrra kosningalaga.

Kosningalög. nr. 112/2021

Sjálfstæðisflokkurinn telur sem sagt þessa 0,6 hektara (sex þúsund fermetra) lóð undir bensínstöð í vesturbæ Reykjavíkur vera allt að tveggja milljarða króna virði.

Flokkurinn vill hins vegar að ríkið fái áfram ókeypis afnot af margfalt stærra landsvæði í eigu Reykjavíkurborgar undir Reykjavíkurflugvelli.

Í ársbyrjun 2006 var markaðsvirði byggingaréttar á 123 hekturum á Vatnsmýrarsvæðinu 74,5 milljarðar króna án gatnagerðargjalda, rúmlega 600 milljónir króna á hektara, og um 37 þúsund krónum hærra á fermetra en í útjaðri borgarinnar.

Og frá þeim tíma hefur verið 106% verðbólga hér á Íslandi.

Landið undir norður-suður flugbraut Reykjavíkurflugvallar er í eigu Reykjavíkurborgar, bæði sunnan við og norðan við austur-vestur flugbrautina, en landið undir þeirri braut er í eigu ríkisins.

Ein flugbraut hefur hins vegar ekki verið talin nægjanleg á Vatnsmýrarsvæðinu en ríkið getur selt landið til að fjármagna flugvöll í Hvassahrauni.

"Áætlað er að fullbúinn innanlands- og varaflugvöllur í Hvassahrauni, sem jafnframt þjónaði sem kennslu- og einkaflugvöllur, kosti um 44 milljarða króna en kostnaður við nauðsynlega uppbyggingu í Vatnsmýrinni er um 25 milljarðar króna."

Mismunurinn er því einungis 19 milljarðar króna, sem fást með sölu á landi ríkisins undir austur-vestur flugbraut flugvallarins á Vatnsmýrarsvæðinu.

Flugvallakostir á suðvesturhorni landsins - Nóvember 2019

[Þorsteinn Briem, 20.1.2022 kl. 11:12]

22.10.2020:

Minni skuldir borgarsjóðs Reykjavíkur á hvern íbúa en annarra sveitarfélaga á höfuðborgarsvæðinu

Meirihluti sveitarstjórnarmanna í öllum sveitarfélögum á höfuðborgarsvæðinu og nær allt Alþingi styður Borgarlínuna.

Byggð verður þétt við Borgarlínuna, til að mynda á Vatnsmýrarsvæðinu og Reykjavíkurflugvöllur fer af svæðinu, enda er nú verið að þétta byggð á öllu höfuðborgarsvæðinu og íbúum svæðisins mun fjölga um tugi þúsunda næstu áratugina.

Í Reykjavík einni hefur til að mynda heil Akureyri bæst við íbúafjöldann síðastliðna tvo áratugi.

mbl.is 6.10.2021:

"Tóm­as Már [Sig­urðsson for­stjóri HS Orku] seg­ir aðspurður að eld­gosið í Geld­inga­döl­um hafi komið upp á besta stað fyr­ir HS Orku.

Hugs­an­legt sé að þar verði jarðhita­svæði í framtíðinni og gæti svæðið því orðið orku­lind í tím­ans rás."

Nú er sem sagt í góðu lagi að leggja nýja Suðurnesjalínu og virkja úti um allar koppagrundir á Reykjanesskaganum, jafnvel í Geldingadölum, og reisa ný hús fyrir tugmilljarða króna í Hafnarfirði og Garðabæ, sem byggðir eru á gömlum hraunum.

En alls ekki má leggja flugvöll við Hafnarfjörð vegna þess að hraun gæti runnið yfir flugvöllinn. 

[Óðinn Þórisson, 20.1.2022 kl. 14:13]

Þorsteinn Breim - takk fyrir að leiðrétta dagsetninguna hjá mér, kjördagur er 14.mai 2022.

Mín skoðun er sú að það þarf að breyta um kúrs, breyta um hugmyndafræði og stefnu þannig að Reykjavík verði aftur borg frelsis og að fólkið sjálft fái að ákveða hvernig borgin þróast á næstu árum.

Það hefur komið fram m.a hjá oddvita Sjálfstæðisflokksins að lítið eða ekkert samráð hafi verið haft við minnihlutann sem samt hefur meirihluta atkvæða á bak við sig.

Nú síðast erum við að sjá að "meirihlutinn" ætlar í raun og veru að fara gegn vilja íbúa í Bústaðahverfi starx eftir kosningar en slá því að frest rétt á meðan fólkið gengur að kjörborðinu.

Tilgangurinn með því að loka þessum bensinstöðvum er ekkert annað enn einn hlutinn í aðförinni að fjölskyldubílinum þannig fólk eigi erfiðara að fá bensín á bílinn sinn fyrir fjölskylduna.

Tilgangslaus þrenging gatna, nú síðast við Hvassaleiti er enn eitt dæmið um þetta einkabílahatur.

Það þarf að hafa þjóðaratkvæðagreiðslu um Reykjavíkurflugvöll enda skiptir hann alla landsmenn máli, ekki lítur þú að þeir sem búa ekki Reykjavík séu annars flokks fólks ?

Það er verið að byggja nýjan spítala og allir landsmenn eiga að eiga jafnan rétt á að komst þangað á réttlætisgrunni.

Strætólínan er ekkert annað óútfylltur tékki á framtíðarkynslóðir , það finnst mér ekki sanngjart gagnvart þeim.

Það má alveg laga strætó og styð ég allar raunhæfar tillögur sem snúa að því ekki strætólínu sem verður líka úreld þegar hún verður ef hún verður einhverntíma tekin í notkun.